EconomíaEconomíaÚltima horaViticultura

Convócase o concurso para elixir o cartel da XIII Feira do Viño Monterrei

Concederase un único premio de 600 euros ao cartel ganador e o prazo para presentar os traballos rematará o vindeiro 4 de xuño
Imaxe da pasada edición da Feira do Viño de Monterrei./ Foto: Carlos G. Hervella.

Entre o 10 e 12 de agosto celebrarase en Verín a XIII Feira do Viño Monterrei. Co fin de escoller o cartel que anunciará este evento vitivinícola o Consello Regulador da Denominación de Orixe Monterrei vén de convocar un concurso, por terceiro ano consecutivo.

Este certame estará aberto a deseñadores, pintores e artistas que poden presentar un máximo de dúas obras inéditas. “O único será de 43 x 63 cm (en posición vertical), e a obra poderá realizarse con calquera técnica pictórica, informática e fotográfica”, segundo se informa dende a D.O. Monterrei.

As obras que se presenten deberán enviarse en soporte informático en arquivo .jpg ou .png en alta resolución (mínimo 300 ppp), ao enderezo mail info@domonterrei.com ou poderán entregarse na sede do C.R.D.O. Monterrei (Avda. Luis Espada, 73 Baixo. Verín). A data límite de recepción finaliza ás 14 horas do día 4 de xuño de 2018.

Concederase un único premio de 600 euros ao cartel ganador, que será seleccionado por un xurado conformado por persoas relacionadas co mundo da arte e do deseño, así como pola presidenta do Consello Regulador ou membros do pleno nos que delegue e polo alcalde de Verín e/ou persoas nas que delegue.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close