ConcellosÚltima hora

Cooperativa Amarelante de Manzaneda, nos premios galegos ao cooperativismo

A gala de entrega está prevista para o 4 de xullo en Santiago no marco dos actos do ‘Día do Cooperativismo Galego 2015’
Imaxe dun dos soutos de Amarelante Cooperativa, en Manzaneda.
Imaxe dun dos soutos de Amarelante Cooperativa, en Manzaneda.

O bo facer de Amarelante Sociedade Cooperativa, produtora de castañas e cuxa sede está en Manzaneda, vén de ser distinguido nos premios anuais galegos ao cooperativismo. Estes galardóns entregaranse o vindeiro 4 de xullo en Santiago de Compostela no marco da celebración do ‘Día do Cooperativimos Galego 2015’, organizado pola Consellería de Traballo e Benestar.

As categorías establecidas nestes recoñecementos autonómicos son: premio aos valores cooperativos, que recaeu en Zocamiñoca Sociedade Cooperativa Galega; premio ao mellor proxecto cooperativo, para Numax Sociedade Cooperativa Galega; premio á promoción do cooperativismo, que recibirá Amarelante Sociedade Cooperativa Galega; e premio á mellor iniciativa cooperativa, que será para Carlos Castro polo proxecto Delagros Sociedade Cooperativa.

Ademais, o día 4 de xullo tamén se realizará a entrega dos galardóns aos traballos escolares que participan na categoría de “Cooperativismo no ensino”.

Foto: Amarelante Cooperativa.

Artigos relacionados

Back to top button