O coordinador do CT de Galicia de EMCOM España visita a comarca trivesa

Mantiña un encontro con membros das Agrupacións de Radioafeccionados de A Pobra de Trives e de Voluntarios de Protección Civil de Manzaneda

Tomás Manuel Abeigón, Coordinador del CT de Galicia de EMCOM ESPAÑA, con José María Valladares.

Con “gran satisfacción e proveito” recibían as Agrupacións de Radioafeccionados de A Pobra de Trives e de Voluntarios de Protección Civil de Manzaneda a visita do coordinador do CT de Galicia de EMCOM ESPAÑA, Tomás Manuel Abeigón, EA1CIU, que se desprazaba ata a comarca trivesa na mañá do 4 de febreiro.

Aínda que as inclemencias do tempo dificultaban a visita, cumprindo co seu compromiso programado desde había días, EA1CIU desprazouse desde Pontevedra a Trives. Á súa chegada foi recibido por EA1CUE, José María Valladares, e pola esposa Isabel e pouco despois, éste presentoulle aos membros das agrupacións de radioafeccionados de Trives e de Protección Civil de Manzaneda, coordinada por Clemente Pérez Arias.

Despois desprazábanse ata as instalacións do Radioclub local, onde EA1CIU expuxo o tratamento das emerxencias no mundo da radioafección, facendo especial referencia a cales son os seus cometidos nestas situacións e cales non o son. Fixo mención á Lei de 2015 do Sistema Nacional de Protección Civil e dos artigos que regulan a colaboración dos radioafeccionados dentro do devantido sistema.

Outro dos momentos de intercambio de agasallos.

Despois da charla, visitaban as instalacións dos repetidores de DMR e PMR locais da man de José María Valladares, quen lle explicaba o seu funcionamento e utilidade na actividade amateur diaria e no caso de emerxencia. Antes do xantar tamén houbo tempo para gozar da neve coa familia dos que ata alí se desprazaron e, seguidamente, púxose broche de ouro á xornada cun intercambio de obsequios persoais e cun fabuloso cocido.

“O noso coordinador rexional quedou gratamente sorprendido da gran actividade dos radioafeccionados de Trives que efectúan un gran labor de introdución ao mundo radioafeccionado a nenos e mozos da localidade”, explica Valladares.
Entre as peticións que os radioafeccionados triveses e os membros de Protección Civil de Manzaneda lle transmitían a Abeigón estaba a de “efectuar un exercicio no noso ámbito que poña en valor a nosa capacidade de resposta en caso dunha situación de emerxencia na nosa comunidade”.

Tamén se lle solicitaba unha convocatoria a nivel de Galicia para “reunirnos e coñecernos todos. Estes asuntos serán tratados por EA1CIU co coordinador nacional de EMCOM ESPAÑA de cuxo resultado daranos conta próximamente”, engade Valladares.

Pola súa banda, o coordinador rexional pedíalles que elaborasen un inventario de recursos dispoñibles e llo fixesen chegar para que, “sumados aos doutras zonas, permitise organizar os plans de emerxencia no caso de continxencia”.

Fotos cedidas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies