Ademais do coro actuarán a banda, o grupo folk Tómalle Outra e o grupo de voces graves de Candea
Todo está xa preparado para unha nova edición do Festival de Verán que cada ano organiza a Coral Polifónica Candea. Así, o vindeiro sábado 12 de agosto, a Casa da Cultura de Viana do Bolo acollerá un encontro musical a partires das oito da tarde.
Ademais dos organizadores, a Coral Polifónica Candea, polo escenario pasarán as Bandas tanto Infantil como de Adultos e o Grupo de Voces Graves de Candea (formado unicamente por homes), unha das novidades desta edición na que terán como convidado ao grupo folk Tómalle Outra.