A agrupación coral “Hora Ludens” de Madrid visitou hoxe o Museo Internacional de Cornamusas da Deputación de Ourense. Os participantes puideron gozar dunha visita guiada e das explicacións referentes aos instrumentos que alberga o museo.
Actualmente esta institución conta con instrumentos procedentes de África, Asia, Europa e América Latina e así mesmo tamén se lle ofrece aos visitantes un recital didáctico coas distintas gaitas da propia Escola Provincial de Gaitas.
Nesta ocasión, o recital e a visita correron a cargo de Xosé Lois e Ruth Foxo, autora do libro “Detalles Museo Internacional e Cornamusas”.
