Arredor das oito menos cuarto desta tarde de 17 de setembro producíase un corte de luz xeral en varios concellos de Valdeorras como son O Barco, A Rúa, Rubiá, O Bolo e Vilamartín.
A luz volvía ás oito, pero segundos despois, cortábase novamente. A electricidade volvía cinco minutos despois, pero deixaba, entre outras, imaxes de establecementos a escuras no centro da vila do Barco, así como diversos transtornos entre a poboación.
Segundo as primeiras informacións, crese que a causa deste corte podería ser o cambio dun dos transformadores da subestación situada xunto á Cedie, no Barco, tal e como indicaba Aurentino Alonso, tenente de alcalde do Barco, quen tamén matizaba que dende o Concello non tiñan coñecemento deste tipo de intervención.
