Publicidade
EconomíaEconomíaÚltima horaViticultura

O CRDO Valdeorras promoverá modificacións nas normas de explotadores, de adegas e no manual de calidade

Era unha das cuestións abordadas no último pleno deste organismo vitivinícola, no que se acordaba retormar os traballos para lograr a cerficación de calidade da ENAC
Sesión plenaria do 30 de novembro no CRDO Valdeorras.

No seu último pleno, celebrado na mañá do 30 de novembro, o Consello Regulador da D.O. Valdeorras autorizaba a renovación da sinatura dun convenio coa Universidade de Vigo para avanzar nos trámites de cara á obtención da acreditación ENAC, segundo a norma UNE-EN ISO/IEC 17065, en 2018.

“Esta acreditación é imprescindible para que os consumidores poidan ter garantías plenas de que detrás de cada botella de viño de Valdeorras que se comercializa existe un estrito control de calidade”, sinala o presidente do CRDO Valdeorras.

Co fin de actualizar os procedementos deste organismo que permitan avanzar nesta liña de traballo, o pleno acordaba, ademais, promover modificacións nas normas de explotadores, de adegas e no manual de calidade. Xunto a isto, autorizouse a contratación dun técnico a media xornada para axudar ao Órgano de Control en todo o traballo necesario para axustar os parámetros da D.O. aos requirimentos de ENAC.

Finalmente, o Pleno aprobou tamén hoxe a renovación dos membros do Comité de Garantías do Consello Regulador para que cada un dos colectivos que compoñen o organismo teñan representación: cooperativas, adegas e viticultores. A éstes sumáranse os representantes do Ingacal e do Instituto Galego de Consumo e unha persoa en nome do propio Consello Regulador.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close