OurenseÚltima hora

Creacións ourensás na pasarela Celebra

Expourense reúne máis de 5.000 persoas nas feiras de antigüidades e dos actos sociais

Con máis de 5.000 visitas clausuraba Expourense unha fin de semana completa coa celebración de dúas feiras no recinto: Celebra, o 15º Salón dos Actos Sociais, e a 1ª Feira de Antigüidades de Ourense.

No caso de Celebra, esta edición definiuse por “un marcado carácter creativo impulsado por emprendedores da provincia de Ourense en moda nupcial e de festa”, representados nos máis de 30 expositores presentes. Con todo, a pasarela Celebra foi un dos actos máis destacados do salón, que convocou a centos de persoas interesadas en coñecer as tendencias das firmas colaboradoras entre as que se encontraban Alvarino, Ana Barril e Noar Novias que presentaron deseños de coleccións de fabricación propia, acompañados por estilimos internacionais en perruquería e maquillaxe elaborados por París Diffusión. As xoias eran de Joyería Loyma e os ramos e decoración floral de Floristería Drácena.

Organizado pola Axencia Luena, o desfile estivo presentado polo xerente Manuel Varela e contou coa presenza de Miss Terra Galicia 2014, Elena dos Santos. As tendencias que se puideron observar para a próxima tempada en moda nupcial de vestidos de noiva foron o emprego de telas coma o tul ou o encaixe, as saias con moito vó ou moi axustadas, e os escotes pechados e adornados. En moda nupcial para home segue reinando o traxe negro pero esta tempada se levarán traxes entallados e semichaqués.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close