No mediodía do 8 de xuño o alcalde de Allariz, o nacionalista Francisco García, convocaba aos medios de comunicación para anunciar publicamente a súa renuncia ao cargo. De seguido, dábase conta dos cambios que haberá no equipo de goberno alaricano como consecuencia desta decisión.
Así, Cristina Cid, ata o de agora tenente de alcalde e concelleira de Promoción Económica, Turismo e Comercio, será a nova rexedora. Deste xeito dase paso a unha nova etapa no Concello de Allariz.
Fotos: Concello de Allariz.