O programa incluía a inauguración dunha exposición de pintura de Pepe “O español”
Na xornada do 22 de xullo Vilamartín de Valdeorras celebraba a festa na honra á Madalena. Pola mañá tiña lugar a misa e procesión pola Rodeleira, con pasarrúas matinal a cargo do grupo de gaitas Airiños de Caldelas; e pola tarde os cativos desfrutaron cunha refrescante festa da escuma, no mesmo entorno, moi preto do río.
O programa incluía ademais a inauguración dunha exposición de pinturas ao óleo e acrílico de José Prieto, veciño de Vilamartín coñecido como “Pepe O español”. A mostra permanecerá no Centro Cultural Via Nova ata despois da Festa das Covas. Quen desexe vela debe solicitalo no Concello.
Fotos cedidas.