A sede do Consello Regulador da Denominación de Orixe Valdeorras, en Vilamartín, acollía o 30 de xuño un curso de formación para os camareiros que se ocuparán do servizo de viño durante a celebración do Festival SilFest Valdeorras no Barco a finais de xullo.
Nesta acción formativa, impartida pola sumiller Mercedes González, participaban nove persoas. No seu decurso abordábanse cuestións como o servizo e conservación de viños. Tamén se afondaba nos viños de Valdeorras, así como nas peculiaridades desta denominación: uvas, elaboracións e o carácter terroir. Tamén se amosaba o descorche de botellas e servizo.
Este curso foi organizado pola Asociación Cultural SilFest en colaboración co Consello Regulador da D.O. Valdeorras.
Fotos cedidas pola organización do SilFest.