Viticultura básica, servizo do viño, as técnicas de cata ou as fichas son algúns dos contidos que se están a abordar no curso de iniciación á cata de viños e escumosos que organiza nestes días o Consello Regulador da Denominación de Orixe Monterrei.
Esta acción formativa, que se desenvolve na adega Franco Basalo, comezaba coa recepción dos 15 alumnos participantes e dos docentes por parte do presidente desta denominación, José Antonio Da Silva, quen lles agradecía a súa presenza na mesma.
Na terceira e derradeira sesión deste curso, que terá lugar o vindeiro venres 16 de decembro, analizaranse as elaboracións de brancos, tintos, sobre lías, madeiras ou as de escumosos, xunto co servizo e cata deste último tipo de viños. O curso está sendo impartido polo experto Luís Paadín, Master en Viticultura e Enoloxía da Universidade de Vigo e director da Guía de Vinos de Galicia e catador internacional en diferentes certames.
Fotos: CRDO Monterrei.
