Curso de técnicas de cultivo en viticultura e plantación do viñedo, na Rúa

A segunda xornada celebrarase o 16 de marzo e estará centrada nas enfermidades do viñedo

Un total de 17 alumnos de distintos perfiles do ámbito vitícola, tanto profesionais como non profesionais, asistían á primeira xornada do curso de técnicas de cultivo en viticultura e plantación do viñedo, celebraba o 9 de marzo na Aula Uned A Rúa a cargo do técnico Santiago Pérez.

Ao longo da xornada tocáronse temas como a bioloxía da vide ou sistemas de conducción, aínda que o eixe sobre o que xirou a clase foron as intervencións de poda e os diferentes sistemas (poda guyot, poda en verde, poda de formación, poda en vaso,…), os efectos dunha mala poda ou as épocas para levala a cabo.

A xornada remataba coas prácticas sobre cepas vellas que se levaron a cabo na aula, que o ponente introducía asegurando que “a poda é un reparto da carga en equilibrio”.

A segunda xornada do curso celebrarase o vindeiro venres 16 de marzo a cargo de Ricardo Dobao e tratará principalmente sobre as enfermidades do viñedo, centradas sobre todo na comarca de Valdeorras.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies