PolíticaÚltima hora

CxG non participará na Deputación de Ourense

O partido daba conta en rolda de prensa dos acordos tomados no congreso que celebraba en Padrón
O coordinador provincial de CxG, Xosé Manuel Pérez Bouza, e a concelleira de CxG en Maceda, Ruth Parada, na comparecencia ante a prensa.
O coordinador provincial de CxG, Xosé Manuel Pérez Bouza, e a concelleira de CxG en Maceda, Ruth Parada, na comparecencia ante a prensa.

Compromiso por Galicia (CxG) quere facer “nova política, fronte á vella política”. Así se decidía no primeiro Congreso deste partido, celebrado en Padrón na fin de semana do 15 e 16 de novembro. Dos acordos tomados nese foro daban conta en rolda de prensa na mañá do 19 de novembro o coordinador provincial de CxG, Xosé Manuel Pérez Bouza, e a concelleira de CxG en Maceda, Ruth Parada.

Entre as decisións tomadas está a de non participar na Deputación. “As Deputacións son inútiles xa que non xeran recursos e só adican o 20% a investimentos. Son ineficaces e un niño de corrupción, polo que por coherencia non participaremos nelas se temos representación”, dixo o coordinador da formación galeguista, quen aclarou que é unha medida “para sempre”.

Pola súa banda, Ruth Parada sinalaba que “non participaremos nas Deputacións” a nivel galego, e “con máis razón nesta”, en referencia á de Ourense, cuxa forma de facer política cualificaba como “falta de respecto”.

Deste xeito CXG convértese na primeira forza política que anuncia publicamente a súa intención de non participar nas Deputacións, tal e como destacaba Pérez Bouza, quen sinalaba que “a CxG viríalle moi ben participar dos órganos provinciais para o seu financiamento propio, pero non pensa facer de coro do caciquismo 2.0 dos populares nesta provincia, como fan outros”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close