Compromiso por Galicia (CxG) aposta por un acordo para sacar adiante por unanimidade o plan xeral de ordenación municipal (PXOM) de Ourense. Neste senso pide aos responsables do resto das forzas políticas que asinen un pacto, o “Pacto do Miño”, para aprobar o PXOM no primeiro ano de mandato. O Pacto do Miño “permitirá a creación de postos de traballo e a dinamización económica de Ourense”, segundo esta formación política.
Esta proposta lánzabaa o cabeza de lista ourensán de CxG na mañá do 18 de maio. Xosé Mosquera sinala que traballará por dar estabilidade xurídica a ordenación do territorio en Ourense no menor periodo de tempo, “deste xeito é preciso favorecer a chegada de novas inversións e posibilitar o desenvolvemento do plan termal na cidade, así mesmo como a implantación da estación intermodal”.