EconomíaEconomíaViticultura

A D.O. Monterrei achégase ao IES Vilamarín e ao CIFP de Hostalaría de Asturias

Túnel do Viño da D.O. Monterrei no IES Vilamarín.

Darse a coñecer entre os futuros profesionais da hostalaría é unha das iniciativas polas que aposta o Consello Regulador da Denominación de Orixe Monterrei. E e así se reflicte nas últimas accións promocionais levadas a cabo en Ourense e Xixón. Nelas a D.O. Monterrei achegábase aos centros educativos IES Vilamarín e Centro Integrado de Formación Profesional (CIFP) de Hostelería e Turismo de Asturias.

A través do formato do Túnel del Vino, os estudantes de cociña e sala da escola de hostalaría do IES Vilamarín coñeceron os brancos e tintos da denominación. Ao longo de toda unha xornada, docentes e alumnos/as tiveron a oportunidade de probar máis de 40 marcas de viño de Monterrei.

Por outra banda, no Centro Integrado de Formación Profesional de Hostalaría e Turismo de Asturias, a acción estaba destinada a alumno e profesores de sumillería. Neste centro, o único oficial integral nesa comunidade, os participantes asistiron a unha cata de 25 viños de Monterrei.

Tamén se realizaba unha acción da D.O. Monterrei no CFIP de Hostalaría e Turismo de Asturias.

“Estas accións súmanse ás campañas de promoción e formación das escolas de hostalaría, que xa permitiron amosar viños de Monterrei no IES Jacaranda de Churriana (Málaga); así como traer ata o territorio a alumnos/as de centros educativos galegos como IES O Ribeiro, IES Vilamarín, a Escola Carlos Oroza, o CIFP Manuel Antonio de Vigo e o CIFP Paseo das Pontes de A Coruña, entre outros”, segundo se indica dende o CRDO Monterrei.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close