EconomíaEconomíaÚltima horaViticultura

A D.O. Ribeiro entregará os seus premios anuais en Leiro o 29 de xuño

Entre os galardoados estará o xornalista Cristino Álvarez, que recibirá o “Premio de Honra”
Imaxe dos galardóns do Ribeiro./ Foto: Carlos G. Hervella.
Imaxe dos galardóns do Ribeiro./ Foto: Carlos G. Hervella.

O Mosteiro de San Clodio (Leiro) será de novo escenario da quinta edicióin dos Premios da Denominación de Orixe Ribeiro, promovidos polo seu consello regulador. Esta cita está programada para o mediodía do vindeiro 29 de xuño e nela distinguiranse os mellores viños brancos, de adega e de colleiteiro e tinto da de denominación.

Entregaranse asemade o “Premio Persoeiro de Honra 2016”, co que se recoñecerá ao xornalista galego Cristino Álvarez “pola súa andaina profesional e a divulgación dos viños do Ribeiro a través das súas crónicas”, segundo o adianta o CRDO Ribeiro. Durante o acto desvelaranse os gañadores do resto das distintas categorías: premio “Mellor tarefa de comunicación”; premio “Mellor servizo de viño en restaurante”; premio “Mellor tenda especializada – viñoteca”; premio “Mellor taberna – bar de viños”; premio “Mellor Viño Branco Adega”; premio “Mellor Viño Branco Colleiteiro”; e premio “Mellor Viño Tinto”.

Artigos relacionados

Back to top button