Oito anos despois de que a Noite das Ferreñas botase a andar no mes de agosto, co obxectivo de animar as noites na vila apostando pola tradición rural e unha cultura case esquecida, o ano pasado a asociación de mulleres rurais Bibei de Viana do Bolo, decidía dar un paso máis e organizar a recreación dun fiadeiro (reunións en casas labregas para fiar que se convertían en auténticos centros de reunión e diversión, xerme dun rico folclore e tradición cultural), antes do encontro e actuación de cantareiras e pandereteiras de toda a provincia de Ourense.
Neste ano 2014, no que a Noite das Ferreñas cumple o décimo aniversario, a iniciativa dá outro paso e nesta ocasión, será a recreación da malla tradicional, a que abra o programa previsto para o sábado 23 de agosto.
En torno ás 18h. na praza Maior de Viana do Bolo, os veciños de Punxeiro e Quintela de Pando, serán os encargado de representar este tradicional labor agrario, coma o facían os antigos labregos.
Xunto coa sega da planta e o limpado dos grans, a malla é un dos labores do conxunto de traballos que conforma a seitura ou colleita dos cereais.
Texto: Mónica G. Bellver
Máis información na edición en papel do Especial Festas de Agosto do Periódico O Sil
