Todas as persoas que estiveron en contacto co caso positivo de Covid-19 rexistrado na Veiga hai uns días veñen de dar negativo nas probas PCR. Así o vén de anunciar a través das redes sociais o alcalde da Veiga, Juan Anta.
“A situación actual é que na Veiga só hai un positivo absolutamente controlado e illado. En calquera caso debemos seguir coa prudencia e respecto que tanto reiteramos. As aldeas onde estivo a persoa xa foron desinfectadas”, asegura o rexedor veigués.
