Agardan que veña a chover, pero iso non sucede. Pasa un mes, unha estación, un ano. E segue sen caer unha gota de auga do ceo. Todo está seco. A esta situación enfróntase os personaxes de “A danza da choiva”, un espectáculo xestual que a compañía O Elefante Elegante porá en escena o venres 30 de decembro ás 20h. no Teatro Lauro Olmo do Barco.
Esta peza, recomendada para un público infantil e familiar, plantexa unha seria problemática medioambiental dun xeito orixinal, ameno e divertido. “A Danza da Choiva narra cunha linguaxe visual, corporal e poética, como o cambio climático está a transformar a realidade de moitas persoas en diferentes lugares do planeta”, en palabras de O Elefante Elegante.
Esta representación está incluída no programa de Nadal do Concello do Barco.
Fotos cedidas por O Elefante Elegante.