CulturaCulturaOurenseÚltima hora

David Catá, primero premio do XV Certame de Artes Plásticas da Deputación de Ourense

O pasado 3 de xullo, en Ourense, o artista David Rodríguez Casas foi o gañador coa súa obra “Piano” do XV Certame de Artes Plásticas que convocou a Deputación de Ourense
Reunión do xurado do “Certame de Artes Plásticas” da Deputación de Ourense.

O Certame realizouse no Centro Cultural “Marcos Valcárcel”, e ten como obxectivo promover e apoiar aos novos valores nos distintos eidos das artes plásticas, premiando e ofertando a posibilidade de difundir as obras dos creadores máis novos, asi como destacar as capacidades dos artistas que, con idades comprendidas entre os 18 e os 30 anos, preséntanse a este concurso.

Catá foi dotado de 3 000 euros por “un traballo que inclúe fotografía e un audiovisual con música tamén composta polo mesmo autor”, características que o xurado distinguiu positivamente. O segundo galardonado, con 2 000 euros de premio, foi María del Mar Ramón Soriano, cunha obra realizada en cerámica que ten por nome “S/T incompatibles”. David Fidalgo Omil quedou en terceiro lugar, coa súa obra “Los dinosaurios nunca se extinguieron”, obra cunha forte carga irónica pola que obtivo 1 000 euros.

Asemade, este certame conta con dous áccesits de 500 euros, que recibiron Sol Mussa Juane e María García Fernández polos seus traballos “Pintura cubrinte ” e “Erosión deplegada. La erosión construye montañas”, respectivamente.

Este ano o xurado, composto por Paula Cabaleiro Comesaña, Ángel Cerviño López, Juan Carlos Román Redondo e máis Eva Torres Rodriguez, xunto co director do centro cultural en calidade de secretario do xurado, Francisco González Bouzán, destacou o elevado nivel de calidade das obras presentadas. Setenta traballos procedentes de tódalas provincias galegas e de diferentes puntos da xeografía española, que poderán apreciarse no mes de setembro nunha exposición na Deputación de Ourense.

 

Texto: Carlota Pérez de Juan Burgos

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close