PolíticaÚltima hora

Davide Rodríguez (En Marea) pide información no Parlamento galego sobre a residencia de maiores de Chandrexa

Preguntará, entre outras cuestións, sobre se a Xunta vai planificar, xunto cos concellos, a dotación de novas prazas de residencias de maiores públicas
O deputado de En Marea, Davide Rodríguez, no Parlamento galego.

Os deputados do grupo parlamentario de En Marea Davide Rodríguez e Paula Vázquez veñen de rexistrar unha pregunta para a súa resposta oral na Comisión 5ª do Parlamento de Galicia sobre a residencia da terceira idade de Chandrexa de Queixa.

No texto da pregunta lembran que o Concello “promoveu a construción dunha residencia municipal de maiores en 2014, mediante convenio coa Xunta, cuxa concesión do servizo saca a concurso por aproximadamente 6,8 millóns de euros, por cinco anos, cunha capacidade máxima de 77 prazas”. Tamén explican que o 1 de febreiro admitíanse as ofertas de tres empresas de servizos, cunha serie de tarifas máximas por praza para persoas con autonomía e para dependentes.

Os deputados preguntan se a Xunta ten concertar prazas coa residencia de maiores de Chandrexa de Queixa, e, de ser así, cantas. Tamén preguntan se o goberno galego “considera viable, tal como está formulado, o proxecto de residencia de maiores de Chandrexa de Queixa”, cal é “a lista de agarda para cada unha das prestacións de Dependencia no Concello de Chandrexa de Queixa” e “cando vai a Xunta planificar, xunto cos Concellos, a dotación de novas prazas de residencias de maiores públicas”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close