Tras as recentes saraibadas que causaban serios danos en sectores como o do viño na provincia de Ourense, os deputados de En Marea Davide Rodríguez, de Manzaneda, e Paula Quinteiro veñen de presentar no Parlamento galego unha proposión non de lei para o seu debate en pleno pedindo de forma urxente a avalación dos efectos causados polo pedrazo.
En concreto no texto da proposición solcítase que o Parlamento galego inste á Xunta de Galicia a “facer unha avaliación e cuantificación precisa dos danos provocados polo pedrazo nos cultivos agrarios e gandeiros; e informar de maneira aberta e transparente ao respecto”.
Tamén se pide que se determine que “porcentaxe de cultivos arrasados non están cubertos por seguros agrarios e crear unha liña de axudas directas para garantir a liquidez das persoas afectadas e compensar as perdas”.
Como “xa solicitamos en ocasións anteriores por situacións similares, esixímoslle á Consellaría de Medio Rural que garanta ás nosas produtoras e produtores unhas colleitas dignas en calidade e cantidade para asegurar a continuidade da actividade viticultora nunha bisbarra onde ten unha importante tradición e un peso económico fundamental”, aseguran os deputados no texto presentado.