PolíticaÚltima hora

Davide Rodríguez pedirá no Parlamento galego medios para mellorar a predición do mildiu e black-rot

O deputado de En Marea vén de presentar, xunto a Paula Quinteiro e Antón Sánchez, unha proposición non de lei para o seu debate na Comisión 7ª
Davide Rodríguez, deputado de En Marea, intervindo nunha comisión no Parlamento galego.

Na necesidade de mellorar a predición da aparición de mildiu e black-rot a nivel de zona incide a proposición non de lei que veñen de presentar os deputados de En Marea Davide Rodríguez, Paula Quinteiro e Antón Sánchez para o seu debate na Comisión 7ª do Parlamento galego.

No texto da proposición lembran que o mildiu (plasmopara vitícola) é a enfermidade “máis frecuente dos viñedos galegos, polo que supón un dos principais retos aos que debe facer fronte o noso sector vitivinícola. Apuntan tamén que a meteoroloxía das últimas semanas “favoreceu que, un ano máis, o mildiu volvera instalarse nas vides galegas, o que obrigou aos produtores a retirar as uvas das cepas contaminadas co obxecto de previr a propagación da enfermidade”.

A maiores deste fungo, din os parlamentarios, “no mes de xullo detectouse tamén black-rot, unha enfermidade que outros anos non pasara das follas, pero que este si chegou a danar as uvas. Hai tamén constancia de tiña e botrytis. Moitos expertos advirten que os ataques cada vez máis agresivos das enfermidades mencionadas débense ao quentamento global. Algúns deles propoñen abordar o problema plantando os viñedos en ladeiras máis altas de orientación norte, dando prioridade a variedades de ciclo máis longo ou seleccionando variedades máis resistentes ás enfermidades da vide”.

Ante isto os deputados de En Marea entenden que o que debe facerse “en calquera caso é poñer medios materiais e institucionais para mellorar os niveis de predición e tratamento a nivel de zona das enfermidades que afectan ao sector vitivinícola, como o mildiu. Actualmente, realízanse predicións baseadas en datos de temperatura, humidade e estado fenolóxico demasiado xenéricas. Isto ten que mudar para poder ofrecer solucións concretas aos problemas que xorden nos diferentes microclimas nos que se cultiva a uva”.

Por todo iso, na parte final da súa proposición non de lei piden que “o Parlamento de Galicia inste á Xunta de Galicia a poñer medios para mellorar a predición da aparición de mildiu e black-rot a nivel de zona”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close