O Mosteiro de Santo Estevo de Ribas de Sil (Nogueira de Ramuín) acollía na tarde do 12 de xullo o acto de entrega dos premios da XXX Cata dos Viños de Galicia. Nela o galardón ao mellor viño tinto de Galicia lográbao o Crego e Monaguillo da Denominación de Orixe Monterrei, sendo o mellor branco para Veiga da Princesa (albariño).
Nos galardóns por denominacións de orixe, en Valdeorras o D’Berna (adega Guitián y Blanco) facíase do acio de ouro en viños brancos e o Ruchel Secretos (Ruchel) co acio de ouro en tintos.
No caso da D.O. Ribeiro, Manuel Rojo Colleiteiro acadaba o acio de ouro, o Alter (Priorato de Razamonde) o acio de prata e o Ramón do Casar o de bronce. Na Ribeira Sacra, resultaba premiado co acio de ouro o Peza do Rei (Adega Cachín) e co de prata Don Bernardino, mentres que en Monterrei o acio de ouro recaía no Alma de Autor (Adegas Pazo das Tapias).
Dentro da categoría de colleiteiro e pequenas adegas (tinto) o acio de ouro conseguíao o Sabatelivs (Adegas e Viñedos Lareu, D.O. Ribeira Sacra), mentres que na de colleitas anteriores facíasec o acio de ouro o Alter 2016 (D.O. Ribeiro).
No apartado de elaboracións en madeira o acio de ouro era para Ramón do Casar nobre 2016 e o de prata para Ramón do Casar nobre 2017 (D.O. Ribeiro).
Fotos: Carlos G. Hervella.
Máis fotos:
https://osil.info/a-entrega-de-premios-da-xxx-cata-dos-vinos-de-galicia-en-imaxes/
