De adega en adega, en Seadur

Esta localidade de Larouco acollerá o 4 de abril a XIII edición de “As Covas de Seadur”
Unha das covas de Seadur, na pasada edición deste roteiro./ Foto: Carlos G. Hervella.

Unha das covas de Seadur, na pasada edición deste roteiro./ Foto: Carlos G. Hervella.

O roteiro “As Covas de Seadur” (Larouco) é outro xeito de desfrutar do viño, dende o interior destas antigas adegas e nun ambiente único, que se xera cada Sábado Santo e que atrae a multitude de persoas de Galicia e de fóra da comunidade.

Para descubrilo e desfrutalo tan só hai que achegarse o vindeiro Sábado Santo, 4 de abril, ata Seadur. Unha vintena de adegas abrirán as súas portas nesta 13ª edición a partires das seis da tarde. Ao inicio do percorrido instalarase un posto no que poderán mercarse as entradas. Terán un prezo de 11 euros para os adultos e de 5 euros para os nenos (de 7 a 12 anos).

Xunto co pase, a modo de selo, os participantes neste roteiro recibirán unha cunca de barro. Con ela poderán entrar e visitar cada unha das covas. No seu interior serviranse viños (brancos e tintos), xunto cun amplo abano de pinchos fríos e quentes (entre os que noutras edicións se incluían os callos ou a fabada), e mesmo doces.

Haberá ademais refrescos e auga. Tampouco faltará a música, da man dunha charanga trivesa e dun grupo de gaiteiros. “Ademais animamos a todos os que sexan músicos a que traian os seus instrumentos porque, unha vez metidos na festa, probablemente os boten de menos”, din dende a organización.

Texto: A.R. Foto: Carlos G. Hervella

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies