A asociación De Nai a Nai prepara unha nova actividade para finais deste mes. Trátase dunha charla sobre alta sensibilidade e alta demanda, que impartirá Bea Sánchez. Será online a través da plataforma Zoom, na tarde do sábado 26 de marzo, de 16:30 h a 18:30h. Bea Sánchez é experta en Altas Capacidades e consultora de crianzas intensas. Acompaña a familias con bebés demandantes, fillos dotados, sensibles ou dobremente excepcionais. Coescritora do libro “Nenos altamente sensibles”.
“Ela explicaranos que entendemos por alta sensibilidade e alta demanda, ademais da posible relación con outros diagnósticos de neurodiversidad. Falaranos de nenos e nenas que viven e senten a vida dunha forma diferente, séntense máis afectados que a súa contorna (polas entradas positivas e polas negativas), demandan estímulo continuo, son moi sensibles (moléstanlles a roupa, os ruídos moi fortes ou repentinos, as luces intensas ou os cheiros desagradables), choran de forma intensa e por moito tempo (a pesar de ter todas as súas necesidades cubertas), son absorbentes, maman frecuentemente, teñen gran intensidade emocional, dificultade para conciliar e soster o soño…”, explica a responsable da área de crianza da Asociación De Nai a Nai, Silvia Arias, organizadora da actividade
Esta sesión vai dirixida “a todas as familias, docentes, psicólog@ s e persoas que queiran coñecer e entender mellor a estes nenos e nenas (que nun futuro serán persoas adultas)”, aseguran dende De Nai a Nai.
A asistencia á charla require inscrición previa e hai prazas limitadas.
