En menos de dous meses fará un ano que o Restaurante Casa Lameiro do Barco de Valdeorras, cambiaba de xerencia. Ao fronte dende xuño de 2016 está María José Prieto e na cociña, ao mando dos fogos e da grella, Manuel, coñecido como “El Cordobés”, cociñeiro durante 30 anos na Costa do Sol andaluza. Alí aprendía a preparar os espetos de peixe, moi típicos en toda a zona, e despois dun tempo, decidían dar a coñecer esa especialidade culinaria a todos os valdeorreses.
Por iso durante toda a fin de semama (do venres 7 ao domingo 9 de abril), entre a oferta gastronómica deste establecemento hostaleiro barquense, está a degustación de peixe ao espeto en caña de bambú (á brasa sobre area). “Seguramente continuaremos de cara ás vindeiras fins de semana e a oferta dependará do peixe fresco que teñamos pero hoxe temos sardiña pequena, dourada, lubina e xurelo”, explica o cociñeiro.
Esta peculiar forma de preparar o peixe, que resulta todo un espectáculo nunca visto na comarca, limítase ás fins de semana, pero no restaurante ubicado en pleno centro do Barco (entre a rúa Eulogio Fernández e a praza Clara Campoamor, fronte aos Xulgados) ten asemade unha ampla oferta gastronómica para todos os petos, cun menú de semana de 12 euros e outro de fin de semana de 18 euros, ademais de produtos á carta, todos de primeira calidade e prezos económicos.
Outra das especialidades de Casa Lameiro é o arroz, elaborado de mil e unha formas (vexetal, con codornices, mariñeiro,…), ata o punto de que unha vez á semana, en concreto o xoves, está especialmente adicado a el “facémolo ao gusto do cliente, baixo pedido”, puntualiza Manuel adiantando que están preparando unha novaa carta na que incluirán outra especialidade: zarzuela de peixe e marisco “distinta á típica cazuela que adoita facerse por aquí” e tamén parrillada.
Quen desexe degustar algunha das propostas de El Cordobés, nun ambiente agradable, pode pasar polo restaurante para xantar e tamén cear. Teléfono para reservas: 988 322 148.
Fotos: Carlos G. Hervella.
