Unhas 65 persoas degustaban no Hostal-Restaurante La Viuda varios pratos elaborados con estes produtos de outono o 3 de novembro
Son moitas e moi variadas as posibilidades gastronómicas dos cogomelos. Así podía comprobarse no menú que se servía no Hostal-Restaurante La Viuda no marco das XIX Xornadas Micolóxicas do Club Montaña de Trives, o 3 de novembro.
As máis de 65 persoas que desfrutaban deste xantar podían degustar ata tres pratos diferentes elaborados con estes produtos de outono: o “Habón Sanabrès con Rebozuelos, Níscalos e Boletus”, tallaríns con salsa de moitos cogomelos e lacón asado con angulas de monte, pé azul e champiñón. E, como broche, dúas deliciosas sobremesas.
Fotos: Carlos G. Hervella.