Dende o borde do precipicio

Son dous vidas que se atopan xusto no borde dun precipicio, físico e persoal. As de dous homes salpicados pola traxedia que agardan xuntos á espera dunha demolición dun conxunto de apartamentos. Entre tanto van debullando a súa existencia cuns diálogos que se moven entre o humor e a dor, entre a comedia e o drama, nunha xeira de reflexións que van estreitando os vínculos entre ámbolos dous personaxes.

Así é “Demolición”, o último espectáculo da compañía Talía Teatro, que se representaba na noite do 10 de abril no Teatro Lauro Olmo do Barco. A peza, dirixida por Cándido Pazó, está interpretada por Toño Casais e Artur Trillo.

Texto e fotos: Ángeles Rodríguez