Descontos dun 20% no “Black Friday” en 45 comercios de AEVA e do Barco CCA

Un total de 34 destes establecementos, de diversos sectores, están no Barco e outros 11 na Rúa

Un dos carteis identificativos que pode verse nos establecementos desta campaña.

 

Interesantes descontos en artigos de tempada e ampliación de horarios. Diversos comercios integrados na Asociación Empresarial de Valdeorras (AEVA) e no Barco Centro Comercial Aberto celebrarán o vindeiro 23 de novembro o chamado “Black Friday” ou Venres Negro. En concreto trátase de 34 establecementos do Barco e 11 da Rúa.

“Como en anteriores edicións trátase de promocionar as vendas das mercadorías de tempada previas ao inicio da campaña de Nadal, ofrecendo descontos dun mínimo do 20%”, tal e como se adianta dende AEVA.

Así os comercios que participan nesta iniciativa, ademais de ofrecer interesantes oportunidades, estarán abertos ata as 22h. dese día. O pasado ano sumábanse a esta acción comercial un total de 26 tendas (de diversos sectores) do Barco e outras dez da Rúa, co cal desta volta se aprecia un notable incremento na participación que chega a un total de 45.

 

Establecementos barquenses da campaña.

 

Establecementos rueses participantes na campaña.

 

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies