En portadaÚltima hora

Descubrindo as paisaxes de outono de Parada de Sil cunha chea de propostas

O Concello vén de presentar un programa de actos, que por oitava edición, aposta por poñer en valor "a caída da folla" neste municipio

O alcalde de Parada de Sil, na presentación do programa./ Foto cedida.

 

Parada de Sil aposta novamente por poñer en valor o outono na Ribeira Sacra. Así, por oitavo ano consecutivo, desenvolverá nestas datas un programa con multitude de actividades que vén de presentar o seu alcalde, Aquilino Domínguez, xunto a concelleiro de Cultura e Turismo, Francisco Magide.

Esta iniciativa propón “descubrir as paisaxes de Parada de Sil en torno á caída da folla, algo que pon en marcha todos os nosos sentidos. O multicolor das cepas nos bancais e a incial caída da folla dan unha especial relevancia ao outono en Parada de Sil”, destacan.

As actividades poranse en marcha o 26 de outubro co magosto de Parada de Sil en colaboración coa Asociación Cultural Ouro do Sil e rematarán o 23 de novembro coa V Maratón fotográfica. “No medio teremos o día 2 a oitava edición das xornadas micolóxicas, que por certo coas choivas destes días, apuntan ben á recollida de cogomelos”, matiza o alcalde.

Ademais o día 9 celebrarase a XIII edición da Andaina da Castaña e a Andaina para cativos que ten un percorrido etnográfico e vén sendo guiada por unha profesora de Parada. Despois celebrarase o “Magosto máis antigo e tradicional do Concello, en Sacardebois, que o ano pasado por distintas razón non se podo celebrar”, polo que o alcalde agradece aos veciños desta localidade que se implicaran de novo neste evento.

Outra actividade de referencia será a VIII Festa da Pisa da Castaña o día 16 de novembro, que empezará cunha recreación da pisa da castaña, “procedemento polo que se converte a castaña verde en pilonga e que leva quince días de lume no sequeiro para logo golperase contra o pisón e cribalas, traballo que esixe moita cintura”, informan dende o Concello. En paralelo hai unha feira de produtos da comarca, cervexa, queixo, viño, mel e outros e un xantar popular.

Para ampliar información ou mesmo reservar as entrada para o xantar as persoas interesadas poden contactar coa oficina de Turismo do Concello.

“Agardando unha ampla presenza de visitantes en Parada de Sil, seguimos pondo en valor as tradicións”, di o concelleiro de Cultura, Francisco Magide. Ademais o alcalde convida “a veciños e a visitantes a degustar algún prato ou sobremesa con castañas nas fins de semana en calquera dos restaurantes” deste municipio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close