CulturaCulturaÚltima hora

Descubrindo os “Morcegos de Galicia” en Verín

O Museo Claustro Mercedario acolle ata mediados de febreiro unha mostra sobre estes singulares animais nocturnos

 

Os morcegos son uns animais nocturnos cuxa existencia está rodeada de medos e lendas, pero poucos saben realmente a gran importancia que ten o seu labor no entorno, sendo, entre outras factores, un dos principais reguladores da poboación de insectos. Neles pon o foco a exposición “Morcegos de Galicia, que vén de abrirse ao público este 25 de xaneiro no Museo Claustro Mercedario de Verín (cun horario de mércores a sábado de 11h a 14h e de 17h a 20h e domingos de 11h a 14h).

A mostra aborda diferentes aspectos da bioloxía e o estudo dos morcegos que se poden atopar no territorio galego, así como a súa morfoloxía, o seu estudo e observación ou a súa espectacular capacidade para voar mediante ultrasóns.

“A través de coidados materiais divulgativos, a exposición diríxese principalmente a un público escolar, descubríndolles a importancia deste elemento esencial para a nosa natureza. A finalidade é que, tanto cativos como maiores, descubran a gran riqueza e relevancia que teñen estas especies para o ecosistema galego”, segundo os seus promotores.

 

 

En Galicia existen 24 especies de morcegos, de 10 xéneros e 3 familias diferentes. O coñecemento da bioloxía das diferentes especies é indispensable para unha xestión responsable do seu entorno que favoreza a conservación das súas poboacións.

“Morcegos de Galicia” forma parte da colección itinerante do Centro de Extensión Universitaria e Divulgación Ambiental de Galicia e que exposta ao público ata mediados de febreiro en Verín.

O Museo Claustro Mercedario de Verín

O Museo Claustro Mercedario de Verín nace coa vontade de divulgar a identidade comarcal de Monterrei. Con esta premisa, cada ano consolida a súa relevancia cultural na comarca grazas ás súas exposicións e ás diferentes actividades que se promoven dende esta institución. Proba dos froitos desta labor materialízase nos preto de 7000 visitantes que o museo sumou ao longo do ano 2019.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close