ConcellosÚltima hora

Descubrindo os segredos dos cogomelos nas VIII Xornadas Micolóxicas de Parada de Sil

Celebraranse o vindeiro 3 de novembro na Fábrica da Luz a partir das 10h.

 

En pleno outono e tempada de cogomelos a Fábrica da Luz en Parada de Sil acollerá o vindeiro domingo 3 de novembro as súas VIII Xornadas Micolóxicas para “descubrir máis sobre a micoloxía. Ademais de aprender a identificar as especies máis comúns, sairase a buscar cogomelos e xantarase co recollido. Tamén se ensinarán usos alternativos para estes fungos: usos nutracéuticos, fabricación de coiros veganos e tintas ecolóxicas”, adiantan dende a organización.

O programa das xornadas iniciarase ás 10h. precisamente con eses usos alternativos dos cogomelos. Ás 11h. realizarase unha identificación dos cogomelos máis comúns da zona e ás 12:30h. farase unha saída na procura destes froitos do bosque. Entre as 14 h. e as 16h. terá lugar un xantar a base de cogomelos e despois procedarase á clasificación das especies recollidas no monte.

A asistencia a esta xornada é de balde pero o xantar terá un prezo de 15 euros. Para ampliar información ou realizar reservas pode contactarse coa organización en info@fabricadaluz.com ou no teléfono 988 98 49 90.

Esta actividade será organizada pola Fábrica da Luz en colaboración co Concello de Parada de Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close