Desfibriladores para servizos de emerxencias valdeorreses e triveses

Na mañá do 14 de febreiro a Xunta facía entrega dun total de 157 desfibriladores destinados aos corpos de bombeiros comarcais, GES e Protección Civil de diferentes puntos de Galicia, entre eles a algúns da comarca de Valdeorras e Trives.

O vicepresidente da Xunta, Alfonso Rueda, e o conselleiro de Sanidade, Jesús Vázquez Almuiña, entregaban na sede da Academia Galega de Seguridade Pública, este novo equipamento aos representantes municipais (entre eles estaba o alcalde da Rúa, Luis Fernández, e o de Trives, Domingo Diéguez) e os efectivos dos distintos corpos de emerxencias (como Protección Civil do Bolo, entre outras), co fin de que os concellos galegos poidan contar cos mellores equipos de resposta ante unha emerxencia.

 

 

O vicepresidente da Xunta fixo fincapé na importancia da cooperación, colaboración e coordinación nun eido tan importante como son as emerxencias, que redunda directamente na seguridade e no benestar dos cidadáns galegos, polo que reiterou a necesidade de seguir sumando na aposta dunha xestión conxunta neste eido, no que é tan importante a implicación de todas as Administracións, tanto autonómica, como locais e as provinciais.

 

Na súa intervención, o conselleiro de Sanidade, Jesús Vázquez Almuiña, remarcou que Galicia foi pioneira en España no desenvolvemento de estratexias de cardioprotección, iniciada coa publicación do Decreto 251/2000 que regulaba o uso de desfibriladores por persoal non médico.

Segundo o conselleiro, as unidades do 061 consiguen reanimar a unha media de 700 vítimas ao ano e trasladar con vida ao hospital a un 40%.Polo tanto, remarcou o titular da carteira sanitaria, “en Galicia lideramos a implantación de desfibriladores para o seu uso pola poboación xeral, a formación sistemática cunha estratexia poboacional dos nenos e nenas en soporte vital básico e, tamén, a innovación tecnolóxica para mellorar a asistencia ás vítimas da morte súbita”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies