Un desfile pasado por auga, na Veiga

Cinco folións e catro comparsas percorrían a vila na mañá do Martes de Entroido baixo unha intensa chuvia

Nin a incesante chuvia, nin a neve, nin o frío, impediron que A Veiga celebrase o seu desfile de Entroido tal como estaba previsto. De feito, foi dos poucos concellos que non o suspendían, aprazaban ou cambiaban de ubicación e, pasadas as doce e media do martes, 13 de febreiro, os participantes comezaban o percorrido dende a zona escolar.

Aínda que minguados e con moitos dos bombos protexidos con plásticos, os folións mantivéronse fieis á cita co Entroido na Veiga. Os primeiros en saír eran os de Fornelos de Filloás e de seguido o Folión Terras do Bolo, o de Chandrexa de Queixa e o de Penouta e Ramilo. Entre medias, varias comparsas: as Mulleres Rurais da Veiga, Candea de Viana, o Orfeón Vianés e o colexio. E pechando a comitiva, coma sempre o anfitrión: O Fulión da Veiga guiado polos Charrelos (dous adultos e varios infantís) e acompañado polos Bois.

Tralo desfile, tiña lugar unha nova edición da Festa da Soá no pavillón de deportes Terras de Trevinca.

Máis fotos: https://www.osil.info/unhas-500-persoas-asisten-xiv-festa-da-soa-na-veiga/

Fotos: Mónica G. Bellver.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies