OurenseÚltima hora

Detido por atracar dúas tendas na Ponte a punta de pistola e roubar nunha 400 euros

O suposto atracador detido asegurou ser o autor dos feitos e que, ao verse acosado polo dispositivo policial, tirou a arma ao río Miño
Os atracos foron na rúa Ribeira de Canedo e nas proximidades. 

A Policía Nacional detivo hoxe, 14 de xuño, a un home ao que se lle imputan a autoría de dous roubos con intimidación con armas de fogo na Ponte. Ao detido, de 41 anos e veciño de Ourense, cónstanlle 11 detencións anteriores, segundo fontes policiais.

Os feitos que motivaron a detención deste home ocorreron o pasado sábado, 10 de xuño, sobre as 20:00 horas cando a sala do 091 recibe a alerta por parte dunha clínica situada na rúa Ribeira de Canedo, na Ponte. A Policía Nacional asegurou que a responsable da clínica asegurou “ter sufrido un atraco a punta de pistola”. A responsable asegurou que o individuo entrou no negocio e a encanonou coa arma á altura do peito, mentres lle pedía os cartos, momento no que apareceu o seu marido e o atracador marchara sen levar nada.

Pero, minutos despois, o 091 recibe outra alerta por atraco a punta de pistola nun negocio nunha zona próxima ao atraco en Ribeira de Canedo. Ao parecer, segundo informan fontes da Policía Nacional, o individuo introducírase dentro do mostrador onde traballa a segunda muller que deu a alerta e apuntouna no estómago esixíndolle que abrise a caixa rexistradora. Como a muller temía pola súa vida, entregoulle o contido da caixa, que ascendía aos 400 euros.

Chegados a este punto, dende a Comisaría de Ourense estableceron un dispositivo de peche con todos os efectivos en servizo “coa fin de localizar e deter ao individuo en cuestión e pór fin á súa actuación delictiva dado que a mesma xerou enorme alarma social entre os veciños do barrio da Ponte”, apuntan fontes policiais.

O Grupo de Investigación da Comisaría de Ourense (UDEV) fíxose cargo da investigación procedendo á localización e detención do autor dos feitos na mañá do 13 de xuño, e o trasladaron a dependencias policiais.

Dende a Comisaría apuntan que, pese a recoñecer a súa participación nos feito, “non foi posible recuperar a arma que portaba, dado que manifestou que, ao verse acosado polo despregamento policial na Ponte, decidiu desprenderse da mesma” botándoa ao Río Miño.

Dende a Comisaría apuntan que continúan coas xestións para poder localizar a pistola e evitar que poida ser usada por outros en feitos delictivos.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close