Disvalia manifesta o seu malestar polo funcionamento do servizo de rehabilitación do HCV

Antes “tiñamos diariamente dous rehabilitadores nas consultas, agora temos que arreglarnos con dous días á semana, e non sempre, ademais de contar con menos persoal de fisioterapia”, din deste esta asociación valdeorresa

 

A asociación de Persoas con Discapacidade Física e Enfermidades Dexenerativas de Valdeorras (Disvalia) vén de emitir un comunicado de prensa no que reflexa o seu malestar polo xeito no que está a funcionar o servizo de Rehabilitación do Hospital Comarcal de Valdeorras, no Barco. Ademais, sinala que dende esta entidade xa se interpuxeron “varias queixas no Servizo de Atención ao Paciente” do citado centro hospitalario.

Segundo este colectivo na nota de prensa “dende que xa non somos área sanitaria e pertencemos ao distrito de Ourense, moito variou a calidade sanitaria. Antes tiñamos diariamente dous rehabilitadores nas consultas atendendo satisfactoriamente as demandas dos pacientes, agora temos que arreglarnos con dous días á semana, e non sempre, ademais de contar con menos persoal de fisioterapia”.

Tamén sinalan dende Disvalia que “atopámonos con que suspenden os tratamentos sen moitas explicacións, que non receitan o material ortoprotésico necesario. Existe unha falta de interese notable”. Ademais fan un “chamamento para que mellores estas axudas e a nosa calidade humana”.

Máis información:
https://www.osil.info/o-sergas-asegura-que-o-hcv-ten-6-xornadas-de-consultas-de-rehabilitacion-a-semana-e-manten-o-mesmo-numero-de-fisioterapeutas/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies