ConcellosÚltima hora

Diversas actividades no programa de verán en Xunqueira de Ambía

Presentouse onte, día 6 de agosto, no Pazo Provincial de Ourense

O programa de actividades deportivas e culturais de Xunqueira de Ambía, foi presentado onte, 6 de agosto, polo alcalde José Luis Gavilanes; a concelleira de Cultura, Covadonga Suárez; o presidente da Deputación, Manuel Baltar; e o comisario da exposición “Órgano, música e natureza”, Baldomero Moreiras.

 

Durante a presentación.

 

O máis destacable deste programa é a XXX edición do Ciclo de Órgano e Música Antiga. O ciclo, “único do país que leva 30 anos a celebrarse ininterrompidamente”, como explicaba José Luis Gavilanes, terá lugar na Colexiata Santa María a Real, ás 20:00 horas, e aglutina catro concertos que se celebrarán os domingos. Comeza o 18 de agosto, con Rui Paiva; o 25 de agosto continuará Abdelaziz Samsaoui, Ins Árabes e Marisol Medive; o 1 de setembro será a quenda para o dúo la Oropéndola; e pecharán esta edición os titulados de Órgano do Conservatorio Profesional de Música de Ourense, o día 8 de setembro.

Ademais deste ciclo, tamén terá lugar o IV curso de Contos pintados con música, “no que 30 alumnos perfeccionarán a súa pericia para tocar instrumentos de corda e de vento e logo realizarán concertos en diferentes municipios ourensáns”, explicou o alcalde de Xunqueira de Ambía. Así mesmo, celebraranse unha serie de catro concertos que teñen como obxectivo atraer a Xunqueira visitantes e peregrinos que realizan o tramo do camiño de Santiago que atravesa o municipio.

Así mesmo, en materia deportiva, presentouse a andaina “Camiña e coñece”, que terá lugar o 10 de agosto e  a cal recupera camiños para destacar o patrimonio paisaxístico e etnográfico.

Por último, os coches antigos encherán Xunqueira de Ambía na IV concentración de coches antigos fabricados entre os anos 1 900 e 1 969, que se celebrará o 17 de agosto. Os días 24 e 25 de agosto terá lugar a VI Subida de Xunqueira de Ambía.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close