DiverTrives 2018 porase en marcha o vindeiro 2 de xullo

Esta iniciativa lúdica e educativa que promove o Concello de Trives desenvolverase ata o 23 de agosto

Nenos participando nunha actividade da pasada edición de DiverTrives./ Foto cedida.

Actividades artísticas e culturais, sendeirismo, piscina, xinkanas, obradoiros, saídas en bicicleta, excursións… Serán algunhas das múltiples e variadas propostas das que desfrutarán os cativos que participen na nova edición de DiverTrives, que comezará o 2 de xullo. Trátase dunha iniciativa promovida polo Concello da Pobra de Trives que se prolongará ata o 23 de agosto, cun horario de 10:30h a 13:30h de luns a venres.

“Despois de varios anos e varias edicións debemos resaltar moi positivamente a importancia destas actividades para a cidadanía trivesa”, explican dende o Concello, destacando ademais que se trata dunha “oferta ocio-educativa e de tempo libre para as nenas e nenos nados entre 2006 e 2014, nun lugar para desfrute dos cativos, con milleiros de aventuras. O mellor xeito para pasar o verán en diversión e para que se coñezan entre eles, podendo estes asistir por días soltos, semana completa, todo o mes ou a duración total da actividade (do 2 de xullo ao 23 de agosto)”.

Este conxunto de actividades lúdicas e educativas busca ademais dar “a coñecer Trives e os seus arredores, facendo que os nenos e nenas teñan un contacto directo coa natureza”, segundo o Concello trivés. O prazo para anotarse en DiverTrives xa está aberto e as inscricións poden facerse na Biblioteca Municipal da Pobra de Trives (988 33 09 67).

 

Cartel desta edición de DiverTrives.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies