A Consellería de Sanidade vén de notificar os resultados das probas realizadas onte nos puntos de cribado de libre acceso que funcionan na provincia de Ourense. Así, nos puntos fixos, na xornada do 20 de xaneiro realizábanse un total de 759 test de antíxenos, nos que saían á luz 99 positivos, o que supón un 13,04% de positividade.
No caso do punto de cribado situado no Hospital Público de Valdeorras, no Barco, facíanse 225 test nos que se detectaban 28 positivos. No punto de Ourense (Espazo Xove) eran 414 os test realizados, nos que aparecían 46 positivos. No Hospital de Verín realizábanse 120 test e saían á luz 25 positivos.
Con respecto aos cribados itinerantes que se levaban a cabo onte por comarcas, en Celanova realizábanse 139 test nos cales saían 3 positivos, en Ribadavia facíanse 123 test nos que aparecían 3 positivos, en Castro Caldelas eran 43 os test e 3 os positivos e en Viana do Bolo realizábanse 118 test dos que 2 eran positivos.
