Continúa á baixa a cifra de pacientes con Covid-19 hospitalizados na provincia de Ourense, segundo a última actualización de datos da Consellería de Sanidade. Sen embargo, no Hospital de Valdeorras repítense, por quinto día consecutivo os datos. Son dous os pacientes ingresados en planta con coronavirus, mentres que no Hospital de Verín rexístrase un ingreso e no Hospital Universitario de Ourense son cinco os pacientes ingresados en planta.
Dos 94 casos activos hoxe na Área Sanitaria de Ourense, Verín e O Barco de Valdeorras, 86 permanecen a seguemento a domicilio, 8 están ingresados en planta e non hai ningún positivo en UCI, segundo Sanidade.
O total de casos rexistrados na provincia ascende a 1.995, con 1.770 curados e 131 falecementos (residencias e hospitais). Na provincia lévanse realizado 19.912 probas PCR.
