Brian Izquierdo Fernández e Inés Martínez Sempere, alumnos de 2º de Bacharelato do IES Cosme López Rodríguez, acadaron a excelencia académica despois de obter só na parte xeral das probas de ABAU, un 9,486 e un 9,182, respectivamente.
Ademais, outros catro alumnos do centro, Marta Sanz Álvarez, con un 8,924; Sara Bembibre Blanco, con un 8,788; Antonio Alexandre Vila López, con un 8,7, e Roberto García Domínguez, con un 8,546, estiveron tamén moi próximos a ser recoñecidos con dita excelencia, ao superar todos eles os 8,5 puntos. A estas cualificacións deberán sumar as correspondentes á parte voluntaria.
Dende o IES Cosme López Rodríguez afirman que “os resultados obtidos polo alumnado nas probas de ABAU foron, en xeral, moi brillantes, demostrando de novo a calidade educativa deste centro público”.
