En portadaÚltima hora

Dous feridos en Trives ao caer por un barranco o vehículo no que circulaban

O accidente producíase na estrada OU-536 a uns 5 km da vila de Trives ás oito desta mañá

Arredor das oito desta mañá producíase un grave accidente de tráfico na estrada OU-536 entre Castro Caldelas e Trives, a 5 km desta última localidade. Dúas persoas resultaban feridas ao caerse por un barranco o vehículo no que viaxaban, quedando nunha zona de moi difícil acceso.

Un particular daba aviso o 112 Galicia para pedir axuda, indicaba que un coche acababa de caer por un barranco e que non vira saír aos ocupantes do seu interior.  Ademais, engadía no seu relato que parecía que o coche botaba fume, segundo se informa dende o 112.

De inmediato alertábase ao 061-Urxencias Sanitarias, aos axentes de Tráfico, aos membros do GES de Castro Caldelas e de Protección Civil da Pobra de Trives. “Debido á importancia do accidente, persoal sanitario comunicou ao 112 Galicia a saída do helicóptero medicalizado con base en Ourense”, segundo o 112. Ademais acudía a Guardia Civil de Montaña e o camión de bombeiros de Trives.

Tras chegar ao lugar, os efectivos de Protección Civil confirmaron que o coche non ardía e que había dúas persoas no seu interior. “Puideron sacar ao home do vehículo e tiñan que sacar á muller pola pola porta do condutor ao non abrir a do acompañante. Ademais, o terreo onde quedou o coche, no medio dun canal, dificultaba aos servizos de emerxencia chegar cos medios de excarceracion”, citando ao 112 Galicia.

A medida que se teñan máis datos ampliarase información.

Fotos: Protección Civil e Trives e outros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close