Con moi boas sensacións e resultados volvían os deportistas do Atletismo Rúa do Campionato Galego Máster celebrado na xornada deste sábado 29 de maio en Pontevedra, con dúas medallas de prata na categoría de +45 anos.
Javier de la Maza subía ao segundo chanzo do podio en lanzamento de xavelina 800g. mentres que Isabel María Seco Pérez facía o propio cun segundo posto en lanzamento de disco 1Kg.
“Os soños cúmprense cando te esforzas”, aseguran orgullosos dende o club rues que está inmerso na organización dunha nova e impactante edición do Gran Premio de Montaña A Rúa, previsto para o mes de outubro.
Fotos: RFGA e cedidas