A detección de dous novos casos positivos de Covid-19, dous mozos do municipio de ourensán de Barbadás procedentes do País Vasco, xa illados a domicilio e con sintomatoloxía leve, vén de poñer en marcha o protocolo de seguemento dos seus contactos estreitos, polo que neste intre xa están en corentena de catorce días para monitorizar a súa evolución as 23 persoas identificadas polo equipo de rastrexadores, tal e como informa a Consellería de Sanidade.
Ao longo desta tarde, realizaranse as probas diagnósticas indicadas seguindo os protocolos en vigor, adianta a consellería.