ConcellosÚltima hora

Dous niños de velutina de gran tamaño en Pumares (Carballeda de Valdeorras)

Publicidade

 

Continúan aparecendo niños de Vespa velutina de grandes dimensións en Valdeorras. Neste caso, trátase de dous niños secundarios dun tamaño considerable e situados en árbores. Un deles, que vén de ser neutralizado nesta xornada de 3 de novembro (tras ter emitido o aviso ao 012 o pasado xoves), está situado xunto ao encoro de Pumares, moi preto da zona pola que pasa o Camiño de Inverno, tal e como pode comprobarse nestas imaxes cedidas.

 

 

Por outra banda, moi preto da localidade de Pumares, dende hai varios días pode verse dende a estrada, outro niño de notables dimensións, tal e como nos indicaba un lector, que aportaba tamén estas imaxes.

A detección e eliminación deste tipo de niños neste momento do ano é clave á hora de conter a expansión desta avespa invasora, de aí que se se localizan é importante avisar a través do teléfono 012 para que se proceda á súa destrución.

 

 

Dese xeito poderá contribuírse a romper o ciclo vital do insecto, é dicir, evitar que as raíñas que conteñen os niños poidan ser fecundadas e, tras hibernar, creen novos niños na vindeira primavera.

 

Artigos relacionados

Back to top button