A Consellería de Sanidade vén de comunicar o falecemento nas últimas horas en Galicia de tres persoas que foran diagnosticadas por Covid, dúas delas na provincia de Ourense. Trátase dun home de 73 anos que estaba ingresado no Hospital Universitario de Ourense e que perdía a vida o 4 de decembro, así como dun home de 88 anos, que falecía o 5 de decembro tamén no centro sanitario ourensán. Con eles son xa 455 as persoas falecidas na provincia dende o inicio da pandemia.
Ademais perdía a vida neste 5 de decembro unha muller de 93 anos que estaba ingresada no Complexo Hospitalario de Pontevedra.
As tres persoas falecidas presentaban patoloxías previas.
