OurenseÚltima hora

Dous novos vehículos para o Consorcio Provincial contra Incendios de Ourense

 

Esta mañá presentábanse dous novos vehículos de servizos varios (FSV) adquiridos polo Consorcio provincial contra incendios e salvamento de Ourense que se destinarán aos parques de bombeiros da Limia e de Verín. Esta nova adquisición vén a completar a dotación do parque móbil do Consorcio, sumándose aos dous vehículos entregados anteriormente aos parques de Valdeorras e O Carballiño-Ribeiro.

No acto, que tiña lugar en Xinzo de Limia, tamén participaron o presidente do Consorcio, Pablo Pérez, o seu xerente, Celso Conde, xunto co xerente da Axega, Marcos Araújo, e a delegada territorial da Xunta en Ourense, Marisol Díaz. A adquisición das novas furgonetas conta cun investimento de 300.000 euros con cargo aos orzamentos do Consorcio provincial contra incendios da provincia de Ourense, dos que a Xunta achega o 62,5 por cento, permitirá mellorar a dotación dos catro parques de bombeiros integrados no Consorcio provincial e así contribuír a ofrecer un servizo cada vez de mellor calidade aos ourensáns.

Os novos vehículos dispoñen de tracción integral 4×4 e están dotados con equipo de excarceración, kit de presión de auga, sinalización de emerxencias e equipo de comunicación TETRA, entre outras características. Polas súas características serán empregados para operacións de excarceracións en estradas e rescates en zonas illadas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close