Publicidade
En portadaGalerías de fotosÚltima hora

Dous operarios evacuados dun incendio forestal na zona trivesa de Navea

O lume iniciábase ao redor das seis e media da tarde do 14 de agosto

Unha gran columna de fume e grandes chamas envolven a parroquia trivesa de Navea. Un incendio forestal comezaba ás 18:24h. do 14 de agosto. Nel, segundo informaba a Consellería do Medio Rural á última hora da tarde, tiveron que ser evacuados “dous operarios, un deles por inhalación de fume e outro por un golpe nunha xeonllo a causa dun accidente mentres conducía unha motobomba. Ambos foron trasladados ao hospital de O Barco de Valdeorras”.

Segundo as primeiras estimacións da consellería están afectadas polo incendio, que se mantén activo, unhas 10 hectáreas e estaban traballando na súa extinción 1 técnico, 2 axentes, 8 brigadas, 3 motobombas, 5 helicópteros e 1 avión.

Tamén hai outras zonas da provincia de Ourense continúan afectadas polo lume. É o caso da parroquia de San Millao, no concello de Cualedro. Este incendio niciábase o 13 de agosto ás 15:27 horas. Segundo as últimas estimacións, están afectadas unhas 450 hectáreas. Están traballando na súa extinción 3 técnicos, 12 axentes, 35 brigadas, 16 motobombas, 3 pas, 7 helicópteros e 5 avións.

Por outra banda, o incendio da parroquia de Soutochao, no municipio de Vilardevós, está controlado.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close